კლარენს ზეედორფი: "კვარაცხელიამ ტიმბერი მოედნიდან გააქრო"

ჩემპიონთა ლიგის ნახევარფინალის პირველ დაპირისპირებაში "პსჟ"-მ სტუმრად "არსენალი" დაამარცხა (0:1). მატჩის ერთადერთი გოლი მე-4 წუთზე დემბელემ, კვარაცხელიას პასით გაიტანა. ეს დიდი ნაბიჯია ფინალისკენ და ამ ნაბიჯის მთავარი აქტორი ქართველი ფეხბურთელია.

კვარას მატჩს "არსენალის" წინააღმდეგ, დიდი გამოხმაურება მოჰყვა მსოფლიო პრესაში - გამონაკლისი არც ლეგენდარული ნიდერლანდელი ფეხბურთელი - კლარენს ზეედორფი იყო, რომელმაც ხვიჩა კვარაცხელიას შესახებ ისაუბრა და "არსენალის" მცველი - იურიენ ტიმბერი გააკრიტიკა.

შეგახსენებთ, რომ ხვიჩა კვარაცხელია "პსჟ"-ს ზამთრის სატრანსფერო ფანჯრის დროს შეუერთდა, რა პერიოდშიც 22 მატჩის ჩატარება შეძლო, "არსენალთან" საგოლე გადაცემა კი მისთვის, პარიზული კლუბის მაისურით მე-10 აღმოჩნდა.

გუნდებს შორის საპასუხო მატჩი მომავალ ოთხშაბათს, 7 მაისს, პარიზში გაიმართება.