ხვიჩა კვარაცხელია სერია A-ს სეზონის საუკეთესო გუნდში მოხვდა - Whoscored

ხვიჩა კვარაცხელია იტალიის სერია A-ს 2023/24 წლების სეზონის საუკეთესო გუნდში მოხვდა, სიმბოლური თერთმეტეული Whoscored-მა გამოაქვეყნა და ქართველი ფეხბურთელი მარცხენა შემტევი ნახევარმცველის პოზიციაზეა.

"ნაპოლიდან" სეზონის საუკეთესო გუნდში მხოლოდ კვარა მოხვდა, სრულად თერთმეტეული კი ასე გამოიყურება:

მეკარე: მიკელე დი გრეგორიო ("მონცა")

დაცვა: ტეო ერნანდესი ("მილანი"), ალესანდრო ბასტონი ("ინტერი"), ალესანდრო ბონჯორნო ("ტორინო"), მაიკლ კაიოდე ("ფიორენტინა")

ნახევარდაცვა: ხვიჩა კვარაცხელია ("ნაპოლი"), მატიას სოულე ("ფროზინონე"), ჰაკან ჩალჰანოღლუ ("ინტერი"), კრისტიან პულიშიჩი ("მილანი")

თავდასხმა: მარკუს ტურამი ("ინტერი"), ლაუტარო მარტინესი ("ინტერი").

შეგახსენებთ, რომ აღნიშნულ თერთმეტეულში ხვიჩა კვარაცხელია 2022/23 წლების სეზონშიც მოხვდა, ქართველი ფეხბურთელი წინა სეზონში სერია A-ს საუკეთესო ფეხბურთელადაც დასახელდა.

კვარამ სერია A-ს 2023/24 წლების სეზონი 11 გოლით და 6 საგოლე გადაცემით დაასრულა.

ქართველი ფეხბურთელი Sofascore-ს საუკეთესო თერთმეტეულშიც მოხვდა.