ხვიჩა კვარაცხელია: "ქუჩებმა გამზარდა, როგორც ფეხბურთელი"

იტალიის სერია A-ს ოფიციალურმა არხმა ხვიჩა კვარაცხელიასთან ინტერვიუ ჩაწერა, რომელშიც ქართველი უამრავ საინტერესო თემას ეხება. მათ შორის იმას, თუ რას ნიშნავს ახალი გარემო მისთვის, სამშობლოს მონატრებასა და ნეაპოლელების სიყვარულზე, იმაზეც, თუ რა შეგრძნება იყო 33 წლის შემდეგ "ნაპოლისთვის" ნანატრი სკუდეტო მოეტანა. თამაშის მანერასა და სტილზე კი ხვიჩა ამბობს, რომ განსაკუთრებული გავლენა ქუჩის ფეხბურთმა მოახდინა და სწორედ ქუჩაში თამაში იყო ის, რამაც ის როგორც ფეხბურთელი გაზარდა.

ხვიჩა კვარაცხელიას 2023/24 წლების სეზონში, "ნაპოლის" შემადგენლობაში ჩატარებულ 39 მატჩში 10 გოლი აქვს გატანილი და 6 საგოლე გადაცემა გაკეთებული. საჩემპიონო სეზონში კი ის იტალიის ჩემპიონატის საუკეთესო ფეხბურთელი გახდა და ჩემპიონთა ლიგაზე საუკეთესო ახალგაზრდა მოთამაშის ჯილდო მიიღო.