ხავიმ ბარსელონასთვის ყველაზე რთული მეტოქე დაასახელა

"ბარსელონას" მთავარმა მწვრთნელმა, ხავიმ თავისი გუნდისთვის პოტენციურად ყველაზე რთული მეტოქე დაასახელა.

შეკითხვაზე, თუ რომელი გუნდის წინააღმდეგ თამაშში უჭირს მის გუნდს ყველაზე მეტად, ესპანელმა სპეციალისტმა ასე უპასუხა: "რეალი" და "ბაიერნი" ყოველთვის ძალიან რთული მეტოქეები არიან, მაგრამ ტაქტიკური თვალსაზრისით ყველაზე რთული მილანის "ინტერთან" დაპირისპირება იყო. მათ ჩვენს წინააღმდეგ 5-3-2 ფორმაცია ძალიან კარგად გამოიყენეს.

რაც შეეხება ფეხბურთელებს, ძალიან გაგვიჭირდა რაშფორდის, ვინისიუსისა და ბენზემას წინააღმდეგ". - თქვა 43 წლის სპეციალისტმა.

"ბარსელონას" ლა ლიგაში 8 ტურის შემდეგ 20 ქულა აქვს დაგროვებული, მეორე პოზიციას იკავებს და ლიდერ მადრიდის "რეალს" 1 ქულით ჩამორჩება.