ესპანური მედია: ,,დომენეკი მამარდაშვილი არ არის''

ლა ლიგის 33-ე ტურში კატალონიის ,,ბარსელონამ'' ,,ვალენსიას'' უმასპინძლა და 4:2 დაამარცხა.

პირველი ტაიმის მიწურულს, როცა ,,ღამურები'' 2:1-ს იგებდნენ, მსაჯმა მოედნიდან გიორგი მამარდაშვილი გააძევა, რომლის ნაცვლად მატჩში სათადარიგო მეკარე, ხაუმე დომენეკი ჩაერთო.

შეხვედრის შემდეგ, ესპანურმა As-მა ფეხბურთელების თამაში შეაფასა და სტატია ასე დაასათაურა: ,,ხაუმე დომენეკი მამარდაშვილი არ არის.''

33 ტურის შემდეგ, ,,ვალენსია'' 47 ქულით სატურნირო ცხრილის მე-8 პოზიციაზეა და ევროტურნირების ზონას 2 ქულით ჩამორჩება.

გიორგი მამარდაშვილის გუნდი მომავალ შეხვედრას 5 მაისს, ,,ალავესის'' წინააღმდეგ გამართავს.