ჯოვანი დი ლორენცო: თავს უფლება არ მისცეთ, კვარაცხელია გააკრიტიკოთ!

ჩემპიონთა ლიგის ჯგუფური ეტაპის ბოლო მატჩში, ნაპოლიმ ბრაგა მიიღო და 2:0 დაამარცხა. ამ გამარჯვებით იტალიელებმა მე-2 ადგილი დაიკავეს და რეალთან ერთად მომდევნო ეტაპზე გავიდნენ. მატჩის დასრულების შემდეგ ნაპოლის კაპიტანმა, ჯოვანი დი ლორენცომ ქართველი ფეხბურთელი დაიცვა. მისი თქმით, კვარას გაკრიტიკების უფლება არავის აქვს.

ხვიჩა კვარაცხელიამ ამ სეზონში 20 შეხვედრა ჩაატარა, ქართველს 4 გოლი და 4 საგოლე პასი აქვს. ნაპოლი მომდევნო შეხვედრას სერია A-ში, 16 დეკემბერს, კალიარის წინააღმდეგ ითამაშებს.