ჯანლუკა დი მარციო: "კვარა რჩება! - ნაპოლის სხვა ლიდერების მომავალი მალე გაირკვევა"

ცნობილი იტალიელი საფეხბურთო ჟურნალისტი, ჯანლუკა დი მარციო, "ნაპოლის" ლიდერების შესახებ საუბრობს და ამბობს, რომ ხვიჩა კვარაცხელია ზაფხულის სატრანსფერო პერიოდის დროს გუნდს არ დატოვებს, რაც შეეხება სხვა ფეხბურთელებს, მათი მომავალი უახლოეს პერიოდში გაირკვევა.

"სპალეტისა და დე ლაურენტისის შეხვედრა? ჩემი აზრით, მათ ისაუბრეს არა მხოლოდ მომავალზე, არამედ წლევანდელზე და იმაზე, რაც მწვრთნელს არ მოეწონა. დე ლაურენტისი მას გარანტიებს მისცემს, ტექნიკური თვალსაზრისითაც. გუნდი სპორტულ დირექტორს გაუშვებს და გაირკვევა ვინ იქნება მისი შემცვლელი და რა სახის სამუშაოს შესრულება ენდომება კლუბს მისი მხრიდან. ჯუნტოლის ყოველთვის შესანიშნავი ურთიერთობა ჰქონდა სპალეტისთან.

კვარა და ოსიმენი დარჩებიან? კვარა ნამდვილად, დიახ - ოსიმენისთვის უნდა ვნახოთ, მოვა თუ არა 150 მილიონიანი შეთავაზება, შეუძლებელი იქნება უარის თქმა. კომპანიამ კარგად იმუშავა გასულ წელს.

კიმი? მას შეუძლია წავიდეს 70 მილიონი ევროს სანაცვლოდ, რაც მიმზიდველია მრავალი ტოპ ევროპული კლუბისთვის. სინამდვილეში, "ნაპოლი" უკვე იკვლევს ბაზარს მარცხენა მცველის შესაძენად", - თქვა ჯანლუკა დი მარციომ.

საქართველოს ნაკრების 22 წლის ლიდერმა "ნაპოლიში" სადებიუტო სეზონში 40 მატჩში მიიღო მონაწილეობა, 14 გოლი გაიტანა და 14 საგოლე პასი გააკეთა. ხვიჩა კვარაცხელია ნეაპოლელებს ისტორიაში მესამე სკუდეტოს მოგებაში დაეხმარა.