იუვენტუსი ნაპოლი უგოლოდ დასრულდა | კვარაცხელია და ლუკაკუ შეცვალეს

იტალიის სერია A-ს მეხუთე ტურში "იუვენტუსმა" "ნაპოლის" უმასპინძლა და მატჩი ფრედ, 0:0 დასრულდა. შეხვედრა საკმაოდ მოსაწყენი აღმოჩნდა - გუნდები გოლის გასატანად ძალიან ცოტა შანსს ქმნიდნენ.

ხვიჩა კვარაცხელია ძირითად შემადგენლობაში იყო - კონტემ ქართველი მატჩის 72-ე წუთზე შეცვალა. მასთან ერთად მოედნიდან ლუკაკუ და პოლიტანოც გავიდნენ, რამაც იმის შთაბეჭდილება შექმნა, რომ ანტონიო კონტე ფრეს ცუდ შედეგად არ მიიჩნევდა. ხვიჩას არ ჰქონია იმ დონის შეხვედრა, რომელსაც მისგან მივეჩვიეთ. სტატისტიკური გვერდებიც ხვიჩასა და ლუკაკუს თამაშს დაბალი ქულით აფასებენ.

გავლილ 5 ტურში ნაპოლის 10 ქულა აქვს და ამ დროისთვის ცხრილის მეორე ადგილზეა. მომავალ ტურში ნეაპოლელები "მონცასთან" დიეგო არმანდო მარადანოზე ითამაშებენ, იქამდე, 26 სექტემბერს ნაპოლი იტალიის თასის შეხვედრაში "პალერმოს" მიიღებს.