იტალიური პრესა: "კვარაცხელიამ ფლორენტინო პერესზე დიდი შთაბეჭდილება მოახდინა..."
ცნობილი იტალიური გაზეთი "Il Mattino" საინტერესო ინფორმაციას ავრცელებს.
"Il Mattino"-ს ერთ-ერთი ჟურნალისტის ინფორმაციით, მატჩის შემდგომ მადრიდის "რეალისა" და "ნაპოლის" პრეზიდენტებს შორის - ფლორენტინო პერესსა და აურელიო დე ლაურენტისს შორის მცირეხნიანი საუბარი შედგა.
პრეზიდენტებმა კლუბების სამომავლო გეგმებსა და კონკრეტულად გუშინდელ დაპირისპირებაზე ისაუბრეს, სადაც პერესმა ნეაპოლური კლუბის მესვეურს განუცხადა, რომ მას ხვიჩა კვარაცხელიას მატჩი ძალიან მოეწონა და მასზე დიდი შთაბეჭდილება მოახდინა.
IL MATTINO - Florentino Perez ha confessato ad ADL di essere impressionato da Kvaratskhelia, il Napoli ha messo nel mirino Brahim Diaz https://t.co/Ke0hQv9WZO
— Napoli Magazine (@napolimagazine) November 30, 2023
როგორც ცნობილი ხდება, პრეზიდენტებმა ასევე ბრაჰიმ დიასის შესახებ ისაუბრეს. მოგეხსენებათ, რომ აურელიო დე ლაურენტისი ნეაპოლურ კლუბში ბრაჰიმ დიაზის ტრანსფერით არის დაინტერესებული.
ჩემპიონთა ლიგის 5 ტურის შემდეგ ,,ნაპოლის'' 7 ქულა აქვს და სატურნირო ცხრილის მეორე პოზიციაზეა. ბოლო ტურში ,,პარტენოპეი'' უშუალო კონკურენტს, ,,ბრაგას'' უმასპინძლებს და თუ 2-ბურთიანი (ან მეტი) სხვაობით არ წააგებს, პლეი-ოფის საგზურს გაიფორმებს.
სხვა სტატიები
