ოფიციალურად | ბარსელონამ ხავი კლუბიდან გაათავისუფლა

სულ რამდენიმე წუთის წინ ოფიციალურად დადასტურდა, რომ მომავალი სეზონიდან ხავი ერნანდესი "ბარსელონას" მთავარი მწვრთნელი აღარ იქნება და იგი კლუბიდან გათავისუფლებულია.

ამის შესახებ ინფორმაციას თავად კატალონიური კლუბი ავრცელებს.

"ბარსელონას" ოფიციალურ განცხადებაში ვკითხულობთ:

ხავი ერნანდესი ოფიციალურად ბოლო მატჩს "სევილიას" წინააღმდეგ, ლა ლიგის ბოლო ტურში, 26 მაისს, 23:00 საათზე გამართავს.

შეგახსენებთ, რომ ხავი ერნანდესი "ბარსელონას" მთავარი მწვრთნელის პოსტს 2021 წლის 6 ოქტომბრიდან იკავებს. მან ჯამში 141 მატჩი ჩაატარა, სადაც 89-ჯერ გაიმარჯვა, 23 ჯერ მატჩი ფრედ დაასრულა, ხოლო 29-ჯერ დამარცხდა.

მან კატალონიურ გრანდთან ერთად ესპანეთის ჩემპიონატი და ესპანეთის სუპერ თასი მოიგო.