Belive

ESPN - კვარაცხელიას ტრანსფერით ჩელსი ინტერესდება

3 თვის წინ ფეხბურთი
1 წთ

საქართველოს ეროვნული ნაკრებისა და ,,ნაპოლის'' შემტევის, ხვიჩა კვარაცხელიას გადაბირება ,,ჩელსის'' სურს. ინფორმაციას ESPN-ი ავრცელებს.

წყაროს ცნობით, ლონდონური გუნდი ქართველ გარემარბს ,,მანჩესტერ სიტისთან'', ,,ბარსელონასთან'', ,,რეალთან'' და ,,ნიუკასლთან'' ერთად აკვირდება.

როგორც ESPN-ი წერს, კვარას ტრანსფერი ,,არისტოკრატების'' სტრატეგიას შეესაბამება, რაც დიდი პოტენციალის მქონე ახალგაზრდა ფეხბურთელების ყიდვას გულისხმობს.

,,ჩელსისთვის'' ერთ-ერთი ხელისშემშლელი ფაქტორი ხვიჩას სატრანსფერო ფასია (100 მილიონ ევრომდე) - ასეთი თანხის გადახდის შემთხვევაში, კლუბს, შესაძლოა, ფინანსურ ფეარ-პლეისთან დაკავშირებით პრობლემები შეექმნას.

თავის მხრივ, ,,ნაპოლი'' კვარაცხელიას გაყიდვას ჯერჯერობით არ გეგმავს და ფეხბურთელთან ხელშეკრულების გახანგრძლივებაზეც მუშაობს.

მიმდინარე სეზონში კვარაცხელიას ანგარიშზე ,,ნაპოლის'' მაისურით ჩატარებულ 15 შეხვედრაში 3 გოლი და 5 საგოლე გადაცემაა.

22 წლის შემტევს ნეაპოლურ გუნდთან ამჟამინდელი კონტრაქტი 2027 წლის ზაფხულამდე აკავშირებს.

სხვა სტატიები