"ეს არასდროს მოხდება" - ოლივერ კანმა მიულერის მომავალზე ისაუბრა
მიუნხენის "ბაიერნისა" და ზოგადად გერმანული ფეხბურთის ლეგენდა თომას მიულერი უფრო და უფრო ნაკლებ დროს იღებს მოედანზე. 33 წლის შემტევს ყველა ტურნირზე მხოლოდ 37 შეხვედრა აქვს ჩატარებული. თომასმა მიმდინარე სეზონში სულ რაღაც 7 გოლის გატანა შეძლო.
მედიაში აქტიურად იწერებოდა იმის შესახებ, რომ მიულერის მომავალი "რეკორდმაისტერში" ბუნდოვანია. გერმანელ ჟურნალისტებზე დაყრდნობით, თომასი ახლო მომავალში "ბაიერნს" დატოვებს.
სწორედ ამ თემასთან დაკავშირებით გააკეთა კომენტარი ოლივერ კანმა და აღნიშნა, რომ მიულერი გუნდს არ დატოვებს.
"ეს არასდროს მოხდება. თომასი კარგ ფორმაშია, არასდროს იღებს ტრავმას, მას საკმაოდ ძლიერი ხასიათი აქვს. ის სასიცოცხლოდ მნიშვნელოვანია. დარწმუნებული ვარ, რომ თომასი ჩვენთვის კიდევ ბევრ თამაშს ჩაატარებს." - განაცხადა ლეგენდარულმა მეკარემ.
Kahn on Thomas Müller and options to leave in the summer as he’s no longer a starter: “That's not going to happen. Thomas is fit, never injured, he has a very strong character” 🔴 #FCBayern
— Fabrizio Romano (@FabrizioRomano) May 11, 2023
“He's extremely important. I'm certain that Thomas will still play so many games for us”. pic.twitter.com/BDCxmaWTgZ
შეგახსენებთ, რომ მიულერი "ბაიერნში" 2008 წლიდან თამაშობს და 600-ზე მეტი შეხვედრა აქვს ჩატარებული. ამ დროის განმავლობაში თომასს "რეკორდმაისტერთან" ერთად 11 ტიტული აქვს მოგებული.
სხვა სტატიები
