"ჩვენ უკეთესები ვიყავით!" - ხავი ამტკიცებს, რომ ნიდერლანდებმა გერმანიას აჯობა

გუშინ, ერთა ლიგის შეხვედრაში, ნიდერლანდებისა და გერმანიის დაპირისპირება ფრედ, 1:1 დასრულდა. ხავისა და იურგენ კლოპს, სანაკრებო დონეზე, დებიუტი ჰქონდათ. ანგარიში მატჩის 32-ე წუთზე ფელიქს ნმეჩამ გახსნა და გერმანელები დააწინაურა. ნიდერლანდელთა მხრიდან კი, ერთადერთი გოლი შეხვედრის 92-ე წუთზე, კოდი გაკპომ გაიტანა.

ხავიმ მატჩის დასრულების შემდეგ თქვა, რომ ნიდერლანდების ნაკრები მოგებას იმსახურებდა. მან შეცვლაზე შემოსული ფეხბურთელებისა და დებიუტანტების როლი განსაკუთრებით გამოყო და აღნიშნა, რომ ამ მოთამაშეებმა თამაშის მსვლელობაზე მნიშვნელოვანი გავლენა მოახდინეს.

ამ შეხვედრაში, ნიდერლანდების ნაკრებს ორი გოლი გაუუქმეს. პირველად ვირჯილ ვან დაიკს, რადგან კუთხურის მოწოდების დროს, მსაჯმა, ბრაიან ბრობის მხრიდან, ტერ შტეგენზე თამაშისას, წესების დარღვევა დააფიქსირა. მეორე შემთხვევაში კი, შეცვალზე შემოსულ მექს მერდინკს, რომელმაც მეტოქეთა კარი გერმანელების საჯარიმოში შექმნილი ქაოსური სიტუაციის დროს აიღო. ხავის მიაჩნდა, რომ ეს გადაწყვეტილებები არასწორი იყო და გოლები უნდა ჩათვლილიყო.

საბოლოოდ, ნიდერლანდების ნაკრებმა, გაკპოს გოლით, ქულა მოიპოვა. ახლა ორანჟემ ძალები უნდა აღიდგინოს და ყურადღება მომდევნო მატჩებზე გადაიტანოს. ნიდერლანდები მომდევნო შეხვედრას სერბეთის ნაკრების წინააღმდეგ ჩაატარებს.