ტომ ქარიმ ბონგი მბონამბი რასისტულ შეურაცხყოფაში დაადანაშაულა
2023 წლის რაგბის მსოფლიო თასის მეორე ნახევარფინალურ მატჩში, ინგლისისა და სამხრეთ აფრიკის დაპირისპირება შედგა. ინტენსიური და ფიზიკურად ურთულესი მატჩი, ინგლისის მარცხით 15:16 დასრულდა.
"ვარდები" მთელი მატჩის განმავლობაში წინ იყვნენ, თუმცა, "ბოკემ" ბოლოს მაინც შეძლო მეტოქის გატეხვა - ამის ერთ-ერთი მთავარი მიზეზი კი ფიზიკურად უძლიერესი ფორვარდები გახდნენ, რომლებმაც ინგლისს შერკინებასა და შეჯგუფებებში დიდი პრობლემები შეუქმნეს და არაერთ ეპიზოდში დააჯარიმეს.
ინგლისელმა ტომ ქარიმ სამხრეთ აფრიკის მორაგბეთა ნაკრების ჰუკერი და ერთ-ერთი ვარსკვლავი - ბონგი მბონამბი რასისტულ შეურაცხყოფაში დაადანაშაულა. ერთ-ერთ ეპიზოდში, ინგლისელმა მორაგბემ შეხვედრის მთავარ არბიტრს ჰკითხა, როგორ უნდა ემოქმედა იმ შემთხვევაში, როდესაც მბონამბი მას თეთრ ***-ს უწოდებდა, რაზეც ბენ ო'კიფიმ მიუგო, რომ შესაბამის ზომებს თავად მიიღებდა.
🗣️ “Sir, Sir, if their hooker calls me a white c**t what do I do?”
— Planet Rugby (@PlanetRugby) October 22, 2023
🇿🇦 A serious allegation against Bongi Mbonambi. #RWC2023 👇 https://t.co/JF15CPBVh9