რაგბი ევროპის ჩემპიონატის 1/4-ფინალში საქართველოს 18-წლამდელთა ნაკრებმა შვეიცარიას მოუგო

ჩეხეთის დედაქალაქ პრაღაში 18-წლამდელთა შორის რაგბის ევროპის ჩემპიონატი დაიწყო.

დღეს, ტურნირის 1/4-ფინალში, საქართველოს ნაკრები შვეიცარიას დაუპირისპირდა და 86:10 იმარჯვა. უმცროსმა ,,ბორჯღალოსნებმა'' შეხვედრის პირველი ნახევარი 33:7 მოიგეს.

ევროპის ჩემპიონატის ნახევარფინალში საქართველოს მეტოქე ნიდერლანდები იქნება, რომელმაც ბელგია 34:6 დაამარცხა. 1/2-ფინალური მატჩი 14 ნოემბერსაა ჩანიშნული.

• საქართველოს 18-წლამდელთა ნაკრები ტურნირის 4-გზის ჩემპიონია. ჩვენმა გუნდმა ევროპის ჩემპიონატი ზედიზედ 4-ჯერ მოიგო.