რა ხდებოდა ბორჯღალოსნების გასახდელში მატჩამდე და მატჩის შემდეგ?!

2023 წლის რაგბის მსოფლიო თასის პირველი ტურის შეხვედრაში, ავსტრალიისა და საქართველოს დაპირისპირება შედგა. პარიზში, "სტად დე ფრანსზე" გამართული მატჩი ბორჯღალოსნებმა მძიმედ დაიწყეს - დისციპლინარულ გადაცდომებთან ერთად, რამდენიმე დასანანი შეცდომაც დაუშვეს და მეტოქეს სოლიდური უპირატესობის მოპოვების შესაძლებლობა მისცეს.

ავსტრალიისა და საქართველოს მატჩის პირველი ტაიმი "ვოლაბების" გამარჯვებით 21:3 დასრულდა. ბორჯღალოსნები მეორე ტაიმში გაცილებით უკეთ გამოიყურებოდნენ და საწყის 15 წუთიან მონაკვეთში, ავსტრალიას დიდი თავისტკივილი გაუჩინეს. მეორე ტაიმი ასევე ავსტრალიის გამარჯვებით 14:12 დასრულდა და ტაბლოზე საბოლოო ანგარიში 35:15 დაფიქსირდა.

ბორჯღალოსნების ოფიციალურ Facebook გვერდზე ვიდეო განთავსდა, თუ რა ხდებოდა საქართველოს მორაგბეთა ეროვნული ნაკრების გასახდელში ავსტრალიასთან მატჩამდე და მატჩის შემდეგ.