მონტი იოანე: "თუ ამას გავაკეთებთ, საქართველოს აუცილებლად დავამარცხებთ"

შემოდგომის რიგით მეორე ტესტ-მატჩს, საქართველოს მორაგბეთა ეროვნული ნაკრები იტალიის წინააღმდეგ გამართავს. 10 ნოემბერს, ახალი ზელანდია XV-ის წინააღმდეგ განცდილი მარცხის (13:31) შემდეგ, ბორჯღალოსნებს მორიგი პრინციპული დაპირისპირება 17 ნოემბერს ელით.

უკანასკნელ წლებში, იტალიასა და საქართველოს შორის მძაფრი კონკურენცია ჩამოყალიბდა - 6 ერის გაფართოებისა და ან გავარდნა/აღზევების სისტემის დანერგვის შესახებ დაწყებულმა სპეკულაციებმა კი მატჩებს კიდევ უფრო დიდი ინტერესი შესძინა. შესაბამისად, 17 ნოემბერს, გენუაში გასამართი შეხვედრა უდიდესი ინტრიგის მატარებელია.

მოახლოებული დაპირისპირების შესახებ, წარმოშობით ავსტრალიელმა, იტალიის მორაგბეთა ეროვნული ნაკრების წევრმა - მონტი იოანემ ისაუბრა, რომელმაც აღნიშნა, რომ საქართველოსთან მოსაგებად, გულშემატკივრების დიდი ძალა დასჭირდებათ.

იტალიელი მორაგბეები ბათუმში განცდილი მარცხისთვის რევანშის აღებას ცდილობენ. 2022 წლის 10 ივლისს, იტალია გახდა ტიერ 1-ის პირველი წარმომადგენელი, რომელიც ბორჯღალოსნებმა დაამარცხეს - ბათუმში გამართული მატჩი 28:19 დასრულდა.

შეგახსენებთ, იტალიისა და საქართველოს მატჩი 17 ნოემბერს, 17:40 საათზე, გენუაში "ლუიჯი ფერარისზე" გაიმართება.

ბორჯღალოსნების ტესტ-მატჩები

• 10 ნოემბერი - ახალი ზელანდია XV 31:13 საქართველო

• 17 ნოემბერი - იტალია Vs. საქართველო

• 24 ნოემბერი - საქართველო Vs. ტონგა