კირან ქროული - საქართველოს მსოფლიოში საუკეთესო ბურჯები ჰყავს და მათი შერკინება გასაოცარია

• 2021 | საქართველოს მორაგბეთა ეროვნული ნაკრები და პირველი ქართული ფრენჩაიზი
• The Times | ჩრდილოეთი Vs. სამხრეთი დამტკიცდა – რას მოუტანს ახალი ტურნირი საქართველოს?
• “La Gazzetta dello Sport” – 2022 წელს იტალია საქართველოს ეწვევა
• The Guardian | საქართველო საუკეთესოთა შორის და იტალიაზე წინ
• ბორჯღალოსნების შემადგენლობა არგენტინის, იტალიისა და პორტუგალიის წინააღმდეგ

"ხალხი ფიქრობს, რომ სამივე ტესტში მარტივად გავიმარჯვებთ. მნიშვნელობა არ აქვს პორტუგალიას ვუპირისპირდებით, თუ სამხრეთ აფრიკას - პატივს ვცემთ ნებისმიერ მეტოქეს და თითოეული მატჩისათვის გულმოდგინედ მოვემზადებით", - აღნიშნავს კირან ქროული.

"კარდიფში მოპოვებული გამარჯვება ბევრმა მოულოდნელობად მიიჩნია, მაგრამ, თუ გადავხედავთ სხვადასხვა ასპექტში ჩვენი თამაშის ზრდასა და განვითარებას, მჯერა, რომ მუდმივი პროგრესი გვქონდა, მატჩიდან მატჩამდე ვიზრდებოდით და ლოგიკურ შედეგს მივაღწიეთ. მე ვფიქრობ ლიდერების ზრდასა და განვითარებაზე, იმაზე, თუ როგორ ხელმძღვანელობენ ისინი გუნდს და ამავდროულად ინარჩუნებენ პროგრესს. ეს იყო მნიშვნელოვანი თვეები ჩვენი იდენტობის ჩამოსაყალიბებლად".

"ტურნეს დინამიკა განსხვავებულია, ასეთი გადაადგილება ყოველდღიურ ცხოვრებაზე უფრო მნიშვნელოვან გავლენას ახდენს. ჩვენი მიზანია გავაგრძელოთ ის პროგრესი, რომელსაც 6 ერზე ჩავუყარეთ საფუძველი". "უკანასკნელი 4 წლის განმავლობაში ეს არის პირველი ტურნე, რომელშიც მივემგზავრებით. გასათვალისწინებელია, რომ გამოძახებული 33-დან, მხოლოდ 26 მოთამაშეს მიეცემა ასპარეზობის შესაძლებლობა. ჩვენთვის უმთავრესია, რომ 1 წლის წინ, ტრენტინოში დაწყებული პროგრესი განვაგრძოთ და სწორი მიმართულებით განვვითარდეთ. მნიშვნელოვანია, მივყვეთ ჩვენს კვალს". 

"აძურის" მიზნები ზაფხულის ტესტ-მატჩებზე

"ჩვენი თამაშის საუკეთესო კუთხით წარმოჩინება, მოწოდების სიმაღლეზე ყოფნა და საუკეთესო შედეგის დაფიქსირება - განურჩევლად იმისა, თუ ვის წინააღმდეგ ვთამაშობთ. 3 კვირა გვაქვს, რათა განვაგრძოთ სწავლა და შევიძინოთ ახალი გამოცდილება, იმისათვის, რომ ვიასპარეზოთ იმ დონეზე, რომელზე თამაშიც გვსურს. გვექნება შესაძლებლობა, რომ ახალგაზრდა მოთამაშეები განსხვავებულ სიტუაციაში გამოვცადოთ. ეს არის საინტერესო ასპექტი, რომლის ხილვასაც მოუთმენლად ველი". 

ახალწვეულები იტალიის მორაგბეთა ეროვნული ნაკრების გაფართოებულ რაზმში 4 დებიუტანტი მოხვდა. მანფრედი ალბანეზე, ალესანდრო გარბისი, ჯაკომო და რე, იონ ნეკულაი - "აძურის" კვართს პირველად მოირგებენ. იტალიელთა რაზმში 18 ისეთი მოთამაშეა, რომელთაც საერთაშორისო ასპარეზზე 10-ზე ნაკლები კეპი აქვთ მოხვეჭილი.

"პირველ ორ ტესტში, პორტუგალიისა და რუმინეთის წინააღმდეგ, ყველას ექნება შესაძლებლობა, რომ მოედანზე გავიდეს და საკუთარი შესაძლებლობები წარმოაჩინოს. ჩვენთვისაც კარგი შანსია, რომ მათ განვითარებას დავაკვირდეთ. პორტუგალია, რომელიც რუმინეთთან და საქართველოსთან შედარებით, ბურთს უფრო ლაღად ათამაშებს, რაგბის მსოფლიო თასზე მოსახვედრად დაუღალავად იბრძვის. პორტუგალიას აქვს ამბიციური განაცხადი და შეეცდება დაამტკიცოს, რომ მსოფლიო თასზე ასპარეზობას იმსახურებს. რუმინეთი და საქართველო უფრო გამოცდილი გუნდები არიან - მათ ბრწყინვალე ფორვარდები ჰყავთ და ფიზიკურად წარმოუდგენლად ძლიერები არიან. საქართველოს მსოფლიოში საუკეთესო ბურჯები ჰყავს და მათი შერკინება გასაოცარია".

ზაფხულის ტესტ-მატჩების კალენდარი პორტუგალია (20) Vs. იტალია (14) - ლისაბონი - 25.06.2022 რუმინეთი (17) Vs. იტალია (14) - ბუქარესტი - 01.07.2022 საქართველო (12) Vs. იტალია (14) - ბათუმი - 10.07.2022

"აძურის" 33-კაციანი განაცხადი ბურჯი პიეტრო ჩეჩარელი ("ბრივი", 21 კეპი) სიმონე ფერარი ("ბენეტონი", 34 კეპი) დანილო ფიშეტი ("ზებრე", 20 კეპი) იონ ნეკულაი ("ზებრე", დებიუტი) ივან ნემერი ("ბენეტონი", 6 კეპი) ჩერიფ ტრაორე ("ბენეტონი", 14 კეპი) კვაჭი ეპალაამე ფაივა ("ბენეტონი", 4 კეპი) ჯანმარკო ლუჩესი ("ბენეტონი", 11 კეპი) ჯაკომო ნიკოტერა ("ბენეტონი", 2 კეპი) მეორე ხაზი ნიკოლო ქანონე ("ბენეტონი", 20 კეპი) მარკო ფუსერი ("ნიუკასლი", 38 კეპი) ფედერიკო რუზა ("ბენეტონი", 30 კეპი) დავიდ სისი ("ზებრე", 21 კეპი) ანდრეა ზამბონინი ("ზებრე", 1 კეპი) მესამე ხაზი  რენატო ჯიამაროლი ("ზებრე", 5 კეპი) ტოა ჰალაფიჰი ("ბენეტონი", 5 კეპი) მიჩელე ლამარო ("ბენეტონი", 15 კეპი) კაპიტანი ჯოვანი პეტინელი ("ბენეტონი", 6 კეპი) მანუელ ცულიანი ("ბენეტონი", 2 კეპი) ჰავბეკი მანფრედი ალბანესე ("კალვიზანო", დებიუტი) ალესანდრო ფუსკო ("ფიამე ორო"/"ზებრე", 6 კეპი) ალესანდრო გარბისი ("ბენეტონი", დებიუტი) მგეზავი ტომასო ალანი ("ჰარლექუინსი", 61 კეპი) ჯაკომო და რე ("როვიგო"/"ბენეტონი", დებიუტი) პაოლო გარბისი ("მონპელიე", 18 კეპი) ცენტრი ხუან იგნასიო ბრექსი ("ბენეტონი", 13 კეპი) ლეონარდო მარინი ("ბენეტონი", 5 კეპი) ტომასო მენონჩელო ("ბენეტონი", 1 კეპი) მარკო ზანონი ("პაუ", 12 კეპი) ფრთა/ფულბეკი პიერე ბრუნო ("ზერბე", 3 კეპი) ანგე კაპუოცო ("გრენობლი", 2 კეპი) ედოარდო პადოვანი ("ბენეტონი", 35 კეპი) ჯაკოპო ტრულა ("ზებრე", 7 კეპი)