ბანდი აკი ირლანდიის 2023 წლის საუკეთესო მორაგბედ დასახელდა

ირლანდიელმა სარაგბო ჟურნალისტებმა გასული წელი შეაჯამეს და 2023 წლის საუკეთესო მორაგბე გამოავლინეს. ხმათა აბსოლუტური უმრავლესობით, 2023 წლის საუკეთესო მორაგბედ "კონახტისა" და ირლანდიის მორაგბეთა ეროვნული ნაკრების ცენტრი - ბანდი აკი დასახელდა.

სანაკრებო და საკლუბო დონეზე აკის ფენომენალური სეზონი ჰქონდა, თუმცა განსაკუთრებული აღნიშვნის ღირსია რაგბის მსოფლიო თასი, სადაც 33 წლის მორაგბემ ბრწყინვალედ იასპარეზა.