ანტუან დუპონი პარიზის ოლიმპიადაზე იასპარეზებს
5 თვის წინ
რაგბი
1 წთ
საფრანგეთის რაგბის ნაკრების კაპიტანი ანტუან დუპონი 7-კაცა ნაკრებთან ერთად ოლიმპიადაზე იასპარეზებს. აღნიშნული ინფორმაცია უკვე ოფიციალურად დადასტურდა. შეგახსენებთ, რომ ოლიმპიადა 2024 წელს გაიმართება და პარიზი უმასპინძლებს.
თუმცა, საქმე ასე მარტივადაც არ არის. მთავარ სპორტულ მოვლენაზე ასპარეზობის გამო ფრანგთა კაპიტანს 6 ერის გამოტოვება მოუწევს. საფრანგეთის რაგბის ფედერაციამ განაცხადა, რომ დუპონი 7-კაცა ნაკრებს იანვრიდან შეუერთდება და მოსამზადებელ პერიოდს გაივლის. ანტუანი ვანკუვერსა და ლოს-ანჯელესში გასამართ მსოფლიო სერიაში მიიღებს მონაწილეობას, რა პერიოდშიც 6 ერის გამოტოვება მოუწევს.
უკვე დიდი ხანია რაც ამ თემასთან დაკავშირებით მოლაპარაკებები მიმდინარეობს. გარკვეული საკითხების გადაფასება მომიწევს. ყოველ შაბათ-კვირას თამაშს ვეღარ შევძლებ. ოლიმპიური მედლისთვის ბრძოლა ნამდვილად დიდი მოტივაციაა. გუნდთან დროის გატარება მსხვერპლს მოითხოვს. - განაცხადა დუპონმა Canal+-თან საუბრისას
"ტულუზას" მთავარმა მწვრთნელმა უკვე დაადასტურა, რომ სარაგბო კლუბი Top 14-ის დასკვნით ნაწილს სუპერვარსკვლავის გარეშე ჩაატარებს.
აბსოლუტურად მესმის ანტუანის. 27 წლის ასაკში მან შეძლო და ჩემპიონთა თასი, Top 14 და 6-ერი მოიგო. ასევე ითამაშა 2 მსოფლიო თასზე. რა თქმა უნდა, მას სურს, რომ შესაძლებლობები ოლიმპიადაზე გამოსცადოს. როგორც ჩანს, დუპონს უკვე ყველამ აუნთო მწვანე შუქი - "ტულუზას" პრეზიდენტი და ფედერაციის ხელმძღვანელი თანახმა არიან. ვემზადებით იმისთვის, რომ სეზონის დასკვნითი ნაწილი დუპონის გარეშე ჩავატაროთ.
-
სხვა სტატიები
