წყალტუბოს სამგურალმა სომხეთის ყველაზე ტიტულოვანი გუნდი დაამარცხა

საქართველოს ეროვნული ლიგის წარმომადგენელმა, წყალტუბოს სამგურალმა, სეზონის განახლებამდე არსებული მოსამზადებელი პერიოდის ფარგლებში, სომხური პიუნიკი დაამარცხა.

დამოუკიდებლობის შემდეგ, სომხეთის ყველაზე ტიტულოვან გუნდთან სამგურალმა თბილისში, ილია კოკაიას სახელობის ბაზაზე ითამაშა და 2:1 იმარჯვა.

ქართული გუნდის შემადგენლობიდან საწყის ტაიმში დუბლის შესრულება ლუკა ხორხელმა შეძლო.

წინასასეზონო მოსამზადებელ პერიოდში პიუნიკი საქართველოში იმყოფება და 29 ივნისს, საგარეჯოს გარეჯთანაც ითამაშა, რომელსაც 2:0 მოუგო.

წყალტუბოს სამგურალი ეროვნული ლიგის განახლების შემდეგ, 2 აგვისტოს, ფოთის კოლხეთი 1913-ს შეხვდება.