სან ანტონიომ ნიუ ორლეანს პელიკანსი დაამარცხა | სანდროს კარგი მატჩი ჰქონდა

NBA-ს რეგულარული სეზონის მორიგ შეხვედრაში "სან ანტონიო სპურსმა" "ნიუ ორლეანს პელიკანსი" 119:115 დაამარცხა.

სანდრო მამუკელაშვილმა 11:54 წუთი ითამაშა, რა დროშიც 10 ქულა (3-დან 2 ორქულიანი, 4-დან 2 სამქულიანი), 7 მოხსნა და 1 შედეგიანი გადაცემა ჰქონდა.

ყველაზე მეტი 26 ქულა სი ჯეი მაკკალუმმა ჩააგდო, 22 ქულა ჰქონდა დევინ ვასელს.

"სან ანტონიო სპურსი" დასავლეთ კონფერენციაში 28 მოგებით და 38 მარცხით მე-12 პოზიციაზეა. მომდევნო შეხვედრას ქართველი კალათბურთელის გუნდი 18 მარტს, "ლოს ანჯელეს ლეიკერსის" წინააღმდეგ გამართავს.