პაულო ფონსეკა: "მიქაუტაძე ყოველდღიურად წინ მიიწევს"

"ლიონის" მთავარი მწვრთნელი, პაულო ფონსეკა საქართველოს ნაკრებისა და თავისი გუნდის თავდამსხმელის, გიორგი მიქაუტაძის შესახებ საუბრობს. პორტუგალიელი სპეციალისტი 24 წლის ქართველსა და მის კონკურენტ, გუნდის კაპიტან ალექსანდრ ლაკაზეტს შორის სტილისტურ სხვაობაზე აქცენტს აკეთებს და ამბობს, რომ მიქაუტაძე წინ მიიწევს.

მარტის თვეში გიორგი მიქაუტაძემ "ლიონის" შემადგენლობაში 6 მატჩში მიიღო მონაწილეობა, 3 გოლის გატანა და 4 საგოლე პასის გაკეთება მოახერხა, საქართველოს ნაკრებში კი სომხეთთან ორივე შეხვედრაში დუბლის გაფორმება შეძლო. გასული 5 შეხვედრაა ქართველი ფეხბურთელი გოლის გატანას ყველა მატჩში ახერხებს.