ოთარ კიტეიშვილი: "ორივე მატჩი იმედგაცრუება გამოდგა, მაგრამ იმედი მაქვს საკუთარ შეცდომებზე ვისწავლით"

საქართველოს ნაკრებისა და გრაცის "შტურმის" ერთ-ერთმა ლიდერმა, ოთარ კიტეიშვილმა, უეფას ჩემპიონთა ლიგის მეორე ტურის შეხვედრაში, "ბრიუგესთან" წაგების (0:1) შემდეგ, გუნდის გამოსვლის შესახებ ისაუბრა.

ოთარ კიტეიშვილის გუნდმა ჩემპიონთა ლიგის ახალი ფორმატით მიმდინარე ტურნირზე ორიდან ორი მატჩი წააგო, სადებიუტო ქულების აღების შესაძლებლობა კი გუნდს მესამე ტურში, ლისაბონის "სპორტინგთან" 22 ოქტომბერს ექნება.

ოთარ კიტეიშვილისთვის გასული წლები გამორჩეულად წარმატებულია, ზედიზედ ორი სეზონია ის ავსტრიის თასს იგებს, ჩემპიონატში კი "ზალცბურგის" დომინირების შეწყვეტა და ტიტულის მოპოვებაც მოახერხა. წინა სეზონში ქართველი ფეხბურთელი გუნდის საუკეთესო ბომბარდირი და ავსტრიის ჩემპიონატის საუკეთესო მოთამაშე გახდა. ახალ სეზონში მის აქტივში ყველა ტურნირზე ჩატარებულ 11 შეხვედრაში 3 გოლის გატანა და 1 საგოლე პასის გაკეთება მოახერხა.