ორლანდომ შარლოტს მოუგო | ბითაძეს მატჩში ყველაზე მეტი დაფარება ჰქონდა

NBA-ის რეგულარული სეზონის შეხვედრაში ,,ორლანდო მეჯიქმა'' ,,შარლოტ ჰორნეტსს'' უმასპინძლა და 16-ქულიანი სხვაობით, ანგარიშით 102:86 დაამარცხა.

ფლორიდელთა ძირითად ხუთეულში ითამაშა გოგა ბითაძემ, რომელმაც არასრულ 18 წუთში 1 ქულა, 7 მოხსნა, 4 დაფარება (ყველაზე მეტი ორივე გუნდის შემადგენლობაში) და 2 შედეგიანი გადაცემა მოაგროვა. გოგამ მატჩში მხოლოდ 1 საჯარიმო ჩააგდო და თამაშიდან 4 ტყორცნა ვერ გამოიყენა.

,,ორლანდოს'' რიგებში 24 ქულით, 8 მოხსნით, 6 პასითა და 1 დაფარებით პაულო ბანკერო გამოირჩა. ,,შარლოტს'' 19 ქულით, 8 მოხსნით, 4 ასისტითა და 1 ჩაჭრით მაილს ბრიჯესმა ულიდერა.

,,მეჯიქი'', რომელიც 27 მოგებითა და 29 მარცხით აღმოსავლეთ კონფერენციის მე-7 პოზიციაზეა, მომავალ მატჩს 21 თებერვალს, ,,ატლანტა ჰოუკსთან'' სტუმრად გამართავს.