ნიღაბს მოირგებს - საბა საზონოვი ატალანტასთან მატჩში განაცხადში იქნება

საქართველოს ნაკრებისა და "ტორინოს" ცენტრალური მცველი, საბა საზონოვი ცხვირის ოპერაციის შემდეგ მოედანს უბრუნდება და ის შემდეგ ტურში "ატალანტას" წინააღმდეგ, დიდი ალბათობით, ტურინელთა განაცხადში იქნება.

21 წლის ქართველმა ფეხბურთელმა ტურინელთა შემადგენლობაში 2023/24 წლების სეზონში სულ სამ მატჩში მიიღო მონაწილეობა და საერთო ჯამში მოედანზე 129 წუთი გაატარა. რაც შეეხება "ტორინოს", გუნდს 16 ქულით მე-12 პოზიცია უკავია და მომდევნო მატჩს "ატალანტას" წინააღმდეგ, 4 დეკემბერს, საშინაო კედლებში გამართავს. მატჩი თბილისის დროით 23:45 საათზე დაიწყება.