"მიქაუტაძე ძალიან ნიჭიერია, მას ამსტერდამში სათანადოდ ვერ აფასებენ" - მედია

1 წთ

პოპულარულმა საფეხბურთო ჟურნალისტმა, სულეიმან ოზთურქმა გიორგი მიქაუტაძის შესახებ ისაუბრა და აღნიშნა, რომ ამსტერდამში საქართველოს ნაკრებისა და "მეცის" თავდამსხმელს არასათანადოდ აფასებენ.

"ზაფხულის სატრანსფერო ფანჯრის მიწურულს, მიქაუტაძე "აიაქსმა" "მეციდან" 16 მილიონ ევროდ შეიძინა. ქართველმა ამსტერდამში ყოფნის პირველ თვეებში ვერ შეძლო მორის სტეინისა და ჯონ ვან'ტ სხიპის სრულად დარწმუნება, რამაც შედეგად გამოიღო, რომ ქართველი მუდმივად სათადარიგოთა სკამზე იჯდა. იანვარში მან გამოიყენა თავისი შანსი და "მეცში" დაბრუნდა.

ასე რომ, მას საქმეები კარგად მისდის. მიქაუტაძემ დაბრუნების შემდეგ ლიგის 12 მატჩში 7 გოლი გაიტანა და 1 საგოლე გადაცემა შეასრულა, რითაც იგი გუნდისთვის ძალიან მნიშვნელოვანი გახდა.

ამსტერდამში ბრაიან ბრობი არის ნომერ პირველი. ეს ცხადი იყო პირველი ტურიდან. შედეგად, მიქაუტაძე მარცხენა და მარჯვენა ფლანგზე აღმოჩნდა. რა თქმა უნდა, რაღაცები ამსტერდამშიც მოხდა. ასევე უცხოელ ფეხბურთელებთან მიმართებაში, რომლებსაც ერთ დროს გაუჩნდათ განცდა, რომ გუნდს ისინი არ სურდა.

ის ლიგა 2-ში სუპერვარსკვლავი გახლდათ და გუნდს აღზევებაში დაეხმარა. კარგია, რომ გუნდს შუა სეზონში დაუბრუნდა და ალბათ მათ ლიგა 1-ში დატოვებს.

ეს იყო სრულიად ალოგიკური შენაძენი ზაფხულში, მაგრამ ძალიან ნიჭიერი ფეხბურთელია. "ის მოსახერხებელია პატარა სივრცეებში, ადვილად იტანს გოლებს, აქვს თავდაჯერებულობა, ბედავს ნახევარდაცვაში შესვლას ბურთის სათხოვნელად, მზადაა იმუშავოს... ის შესანიშნავი მოთამაშეა.

ფაქტია, რომ ამსტერდამულ გუნდში უცნაურად მუშაობენ, რადგან ბრმა ხარ, თუ ამ ნიჭიერ ფეხბურთელზე უარს ამბობ. ვფიქრობ, თუ "მეცი" დაქვეითდება, რამდენიმე კვირაში მას ახალი გუნდი ეყოლება" - ამბობს ოზთურქი.

ამსტერდამული გრანდიდან დაბრუნების შემდეგ ქართველი თავდამსხმელი შესანიშნავ ფორმაშია და ზედიზედ ორ მატჩში დუბლის შესრულება მოახერხა, ხოლო მთლიანად მიმდინარე სეზონში, ლიგა 1-ში, 15 მატჩში 9 გოლი გაიტანა და 3 საგოლე პასი გააკეთა.

"მეცს" 29 მატჩის შემდეგ 26 ქულა აქვს მოგროვებული და სატურნირო ცხრილში მე-17 ადგილი უკავია.

ამირან შაიშმელაშვილი

სხვა სტატიები

თბილისი უეფას ჩემპიონთა ლიგის ფინალის მასპინძლობაზე განაცხადს შეიტანს

ვინჩენცო მონტელა: "კარგი ფეხბურთის თამაშს ვაპირებთ, გვინდა თურქეთმა ჩვენით იამაყოს"