მატება 21-წლამდელთა ნაკრების სამწვრთნელო გუნდში: რამაზ სვანაძის თანაშემწე გიორგი დეკანოსიძე იქნება

საქართველოს ნაკრების ვეტერანი ცენტრალური ნახევარმცველი, გიორგი დეკანოსიძე 21-წლამდელთა ნაკრებში რამაზ სვანაძის ასისტენტი გახდება.

გიორგი დეკანოსიძე 2011 წლიდან სამწვრთნელო საქმიანობითაა დაკავებული და როგორც მთავარ მწვრთნელად, ისე ასისტენტად უმუშავია. ის აქამდე რუსთავის "ოლიმპის", "იბერია 1999-ს", გორის "დილას", "თელავის", "დინამო თბილისისა" და თბილისის "ლოკომოტივის" სამწვრთნელო გუნდებში მუშაობდა. გიორგი დეკანოსიძეს გიორგი დარასელიას, კახაბერ ჩხეტიანის, ლაშა ჭაღიაშვილის, ალექსანდრე ინწკირველისა და გიორგი ჭიაბრიშვილის თანაშემწედ უმუშავია.

საქართველოს 21-წლამდელთა ნაკრები ევრო 2025-ისთვის მომზადებას მარტში, ანტალიაში გასამართი შეკრებით დაიწყებს.