მამუკელაშვილის 3 ზუსტი სამქულიანი | სან ანტონიომ ჰიუსტონთან წააგო

NBA-ის პრე-სეზონის შეხვედრაში ,,ჰიუსტონ როკეტსმა'' ,,სან ანტონიო სპურსს'' უმასპინძლა და 22-ქულიანი სხვაობით, ანგარიშით 129:107 დაამარცხა.

მატჩში 19 წუთამდე ითამაშა სანდრო მამუკელაშვილმა, რომელმაც 9 ქულა, 2 შედეგიანი გადაცემა და 1 მოხსნა მოაგროვა.

სანდრომ 6-დან 3 სამქულიანი ჩააგდო, ორქულიანების 3 მცდელობა კი უშედეგო გამოდგა.

,,ჰიუსტონის'' რიგებში გამორჩეული შეხვედრა ჩაატარა ჯეილენ გრინმა - უკანახაზელმა 30 ქულას, 2 მოხსნას, 2 პასს, 1 ჩაჭრასა და 1 დაფარებას მოუყარა თავი.

,,სან ანტონიო სპურსი'' მომავალ მატჩს უკვე NBA-ში, 25 ოქტომბერს, ,,დალას მავერიქსთან'' სტუმრად გამართავს.