ხვიჩა კვარაცხელია: "ნეაპოლში ძალიან ვუყვარვარ, აქ ისე ვარ, როგორც სახლში"

საქართველოს ნაკრებისა და "ნაპოლის" ვარსკვლავმა, ხვიჩა კვარაცხელიამ, ნეაპოლის შესახებ კომენტარი გააკეთა.

იტალიის ჩემპიონატის მონაწილე გუნდების შესახებ გადაღებულ დოკუმენტურ ფილმში, ფეხბურთელები იმ ქალაქებზე საუბრობენ, რომელშიც ცხოვრობენ და თამაშობენ. 23 წლის ქართველი ვარსკვლავი ფილმში ნეაპოლს ვნებიან ქალაქს უწოდებს და ამბობს, რომ აქ თავს ისე გრძნობს, როგორც საკუთარ სახლში.

მიმდინარე სეზონში, ხვიჩა კვარაცხელიას აქტივში სერია A-ში 11 შეხვედრაში 5 გატანილი გოლი და 2 საგოლე პასია. ის სექტემბრის თვეში იტალიის ჩემპიონატის საუკეთესო ფეხბურთელად დაასახელეს.