გიორგი შერმადინმა შესანიშნავი მატჩი ჩაატარა | ტენერიფემ ბილბაო დაამარცხა

ესპანეთის ACB ლიგის 23-ე ტურის შეხვედრაში "ტენერიფემ" "ბილბაო" 65:75 დაამარცხა.

გიორგი შერმადინმა მატჩში ყველაზე მეტი ქულა დააგროვა, ქართველმა ცენტრმა 24:54 წუთი ითამაშა, რა დროშიც 21 ქულა (12-დან 8 ორქულიანი, 6-დან 5 საჯარიმო) და 9 მოხსნა დააგროვა.

გიორგის შემდეგ მეორე ყველაზე შედეგიანი მოთამაშე 12 ქულით მალკოლმ კაზალონი იყო.

"ტენერიფე" ACB ლიგის ცხრილში 36 ქულით მე-2 პოზიციაზეა (18 მოგება, 5 მარცხი). მომდევნო შეხვედრას ქართველი კალათბურთელის გუნდი ჩემპიონთა ლიგის ეგიდით "პეტკიმ სპორის" წინააღმდეგ ჩაატარებს, მატჩი 19 მარტს, 21:30 საათზე გაიმართება.