გიორგი შერმადინის მორიგი კარგი მატჩი | ტენერიფემ გაიმარჯვა

ესპანეთის ACB ლიგის 25-ე ტურის შეხვედრაში "ტენერიფემ" "ბასკეტ სარაგოსა" 89:93 დაამარცხა.

გიორგი შერმადინმა მატჩში 30:43 წუთი ითამაშა, რა დროშიც 16 ქულა (8-დან 5 ორქულიანი, 6-დან 6 საჯარიმო), 9 მოხსნა და 3 შედეგიანი გადაცემა მიითვალა.

მატჩში ყველაზე მეტი 23 ქულა დევიდ კრამერმა ჩააგდო, 21-21 ქულა ჩააგდეს ტრეი ბელ-ჰეინესმა და მარკო სპისუმ.

"ტენერიფე" ACB ლიგის ცხრილში 40 ქულით მე-2 პოზიციაზეა (20 მოგება, 5 მარცხი). მომდევნო შეხვედრას ქართველი კალათბურთელის გუნდი 6 აპრილს, 15:00 საათზე "გრანადას" წინააღმდეგ გამართავს.