გიორგი ქვილითაია კვიპროსში თვის საუკეთესო ფეხბურთელად დაასახელეს

საქართველოს ნაკრების თავდამსხმელი, გიორგი ქვილითაია კვიპროსის ჩემპიონატში თვის საუკეთესო ფეხბურთელად დაასახელეს.

Copybet-მა ქართველ ფეხბურთელს სექტემბრის თვის საუკეთესო მოთამაშისთვის განკუთვნილი ჯილდო "არის ლიმასოლის" ვარჯიშზე გადასცა.

გიორგი ქვილითაიამ სექტემბრის თვეში "არისის" მიერ გამართულ სამივე მატჩში ძირითადი შემადგენლობიდან ითამაშა, გოლის გატანა მოახერხა, გუნდმა კი თავი 5 ქულას მოუყარა.

ახალ სეზონში, გიორგი ქვილითაიას აქტივში 5 გატანილი გოლია, რითაც ჩემპიონატის თანაბომბარდირია, ხოლო ლიმასოლური გუნდს წაგება არ აქვს და მეორე ადგილს იკავებს, ჩემპიონატის ლიდერ "პაფოსთან" ჩამორჩენა 2 ქულაა.