გიორგი მამარდაშვილი ევროპის ჩემპიონატის საკვალიფიკაციო ეტაპის სიმბოლურ გუნდში მოხვდა

საქართველოს ნაკრების მეკარე, გიორგი მამარდაშვილი ევროპის 2024 წლის ჩემპიონატის საკვალიფიკაციო ეტაპის მერვე ტურის სიმბოლურ გუნდში მოხვდა.

sofascore-მა, ყველა ჯგუფის გაერთიანებით სიმბოლური თერთმეტეული შეადგინა, რომლის კარსაც 23 წლის ქართველი იცავს.

გიორგი მამარდაშვილმა კვიპროსთან მატჩში კარის მშრალად შენახვა მოახერხა და 8.1 შეფასებით სიმბოლურ გუნდში მოხვდა, რომელშიც ევროპული ფეხბურთის სხვა ვარსკვლავებიც იყრიან თავს.

გიორგი მამარდაშვილისთვის ეს საქართველოს ნაკრებში მე-12 მატჩი გახლდათ, რომელშიც 21 გოლი აქვს გაშვებული, 4-ჯერ კი კარის მშრალად შენახვა მოახერხა.