გიორგი გაგუა: "მეორე გუნდში დავრჩი და იმედი მაქვს ლა ლიგაში წელსვე ვითამაშებ"

ახალგაზრდა ქართველმა თავდამსხმელმა, გიორგი გაგუამ თავისი საკლუბო კარიერის და მასში არსებული სიახლეების შესახებ სოციალურ ქსელში დაწერა.

როგორც 21 წლის ფეხბურთელისგან ვიგებთ, მას გუნდის შეცვლის რამდენიმე ვარიანტი ჰქონდა, მაგრამ საბოლოო ჯამში "ალავესში" დარჩა.

გიორგი გაგუამ, საქართველოს 21-წლამდელთა ნაკრების შემადგენლობაში უეფას ევროპის 2023 წლის ჩემპიონატზე ოთხივე მატჩში სასტარტო შემადგენლობაში ითამაშა და პორტუგალიის ნაკრებთან გამარჯვების გოლის გატანაც მოახერხა. ის 2023/24 წლების სეზონის ლა ლიგის სტარტზე მთავარი გუნდის განაცხადშიც მოხვდა. ზაფხულის სატრანსფერო ფანჯრის მიწურულს, გიორგი გაგუას მიმართ ბრატისლავის "სლოვანის" დაინტერესების შესახებაც იწერებოდა.