ენრიკო ფედელე: "კვარას წვლილს ნეაპოლში სათანადოდ კარგად ვერ აფასებენ"

იტალიელი საფეხბურთო ჟურნალისტი და ექსპერტი, ენრიკო ფედელე, ხვიჩა კვარაცხელიას მიერ "ნაპოლის" წინაშე გაღებულ ღვაწლზე საუბრობს და ამბობს, რომ ნეაპოლში მას ყველა სათანადოდ ვერ აფასებს.

ხვიჩა კვარაცხელიამ "ნაპოლიში" ორწელიწადნახევარი გაატარა, 107 მატჩში მიიღო მონაწილეობა, 30 გოლის გატანა და 29 საგოლე პასის გაკეთება მოახერხა, გუნდს 32-წლიანი პაუზის შემდეგ იტალიის ჩემპიონატი ისტორიაში მესამედ მოაგებინა, "პსჟ-ს" კი მისი ტრანსფერი 75 მილიონი ევრო დაუჯდა.