დინამო თბილისი ჩემპიონთა ლიგის პირველ შეხვედრაში დამარცხდა

წყალბურთის ჩემპიონთა ლიგის მიმდინარე სეზონის ჯგუფური ეტაპის პირველი ტურის შეხვედრაში, "პრო რეკოსა" და "დინამო თბილისის" დაპირისპირება შედგა.

B-ჯგუფის მატჩი, "პრო რეკოს" გამარჯვებით, 15:6 დასრულდა. მასპინძლები მატჩის დასაწყისიდანვე დაეუფლნენ უპირატესობას და საბოლოოდ ტაბლოზე სასურველი შედეგი დააფიქსირეს.

B-ჯგუფის მეორე ტურის შეხვედრაში, 6 ოქტომბერს, 18:00 საათზე, "დინამო თბილისისა" და "ოლიმპიაკოსის" დაპირისპირება გაიმართება.