არნე სლოტი: "მამარდაშვილი? მგონი ყველაფერი ისედაც იცით"

ინგლისის პრემიერ ლიგის 2024/25 წლების სეზონის მეორე ტურში "ბრენტფორდთან" მატჩის წინ, "ლივერპულის" მთავარმა მწვრთნელმა, არნე სლოტმა გიორგი მამარდაშვილის შესახებ ისაუბრა.

საქართველოს ნაკრების 23 წლის მეკარის მოახლოებულ ტრანსფერთან დაკავშირებით უახლესი ინფორმაცია ასეთია: "ლივერპული" მას 35 მილიონი ევროს სანაცვლოდ დაიმატებს და 4-წლიან კონტრაქტს გაუფორმებს, ახალდაწყებულ სეზონს კი ის "ვალენსიაში" გაატარებს.

გიორგი მამარდაშვილმა "ვალენსიასთან" ერთად 2024/25 წლების სეზონი უკვე დაიწყო და ლა ლიგის გახსნით ტურში "ბარსელონასთან" (1:2) ითამაშა. შემდეგი მატჩი "ვალენსიამ" ვიგოს "სელტასთან" სტუმრად, 23 აგვისტოს უნდა გამართოს. შეხვედრა თბილისის დროით 21:00 საათზე დაიწყება.