ანტონიო კონტე ხვიჩას ტრანსფერზე: "კვარას გარეშე სხვა გუნდი ვართ"
3 დღის წინ
ქართული სპორტი
1 წთ
"ნაპოლის" მთავარი მწვრთნელი, ანტონიო კონტე ხვიჩა კვარაცხელიას ტრანსფერის შესახებ იტალიის ჩემპიონატის 21-ე ტურში "ატალანტასთან" მატჩის წინა პრესკონფერენციაზე საუბრობს.
"რეალურად, გუნდში წინა სეზონისგან განსხვავებით სამი მნიშვნელოვანი ფეხბურთელი არ თამაშობს. სკუდეტოს მოგების სეზონის შემდეგ ისეთი მნიშვნელოვანი ფეხბურთელები, როგორებიც მარიო რუი, კიმ მინ-ჯაე, ვიქტორ ოსიმენი, პიოტრ ზიელინსკი და სხვები არიან, "ნაპოლიში" არ თამაშობენ, ახლა კი უკვე კვარაცხელიაც სხვა გუნდში გადავა.
კვარაცხელიას გუნდის შეცვლით ჩვენ განვსხვავდებით იმ "ნაპოლისგან", რომელმაც სკუდეტოს მოგება მოახერხა.
მე აქ ჩემი გამოცდილებით მოვედი, რომ გუნდს დავეხმარო, ამბიციურები უნდა ვიყოთ და შრომა გავაგრძელოთ, თორემ ჩემპიონატის საუკეთესო გუნდებს შორის ყოფნა გაგვიჭირდება.
"ატალანტა" ძლიერი გუნდია, რომელმაც ჯერ ევროპა ლიგის ფინალი გერმანიის ჩემპიონ გუნდს მოუგო, ახლა კი ზედიზედ 11 გამარჯვების მოპოვება შეძლო", - ამბობს ანტონიო კონტე.
უდიდესი ალბათობით, "პსჟ" ხვიჩა კვარაცხელიას ტრანსფერს 17 იანვრის საღამოს ოფიციალურად დაადასტურებს.
სხვა სტატიები
.32.webp)
