Belive

ანდრეი დემჩენკო: "საქართველოც და უკრაინაც ცუდ ფორმაშია, დაუნდობელი ბრძოლა იქნება"

14 საათის წინ ქართული სპორტი
1 წთ

გორის დილას, დინამო ბათუმისა და იბერია 1999-ის ყოფილი მთავარი მწვრთნელი, ანდრეი დემჩენკო ua-football-თან ინტერვიუში საქართველოსა და უკრაინის ნაკრებების შეხვედრაზე საუბრობს.

"ორივე მხარეს იმედგაცრუებაა. უნგრეთთან საწყისი მატჩის შემდეგ, როცა (1:0) მოვუგეთ, შედეგმა ცოტათი შთამაგონა და მომეწონა როგორც თვითონ თამაში, ისე თავდადება. მაგრამ შემდეგ შედეგები უფრო და უფრო გაუარესდა. იგივეს თქმა შეიძლება საქართველოს ნაკრების შესახებაც, ფაქტობრივად.

მათ მწვრთნელი შეიცვალეს: ვილი სანიოლი წავიდა და ახალი მწვრთნელი, რამაზ სვანაძე მოვიდა. ახლა მათ ხუთმცველიანი დაცვიდან ოთხმცველიანზე გადასვლა გადაწყვიტეს.

შემადგენლობა გაახალგაზრდავდა. რამდენიმე ახალგაზრდა მოთამაშეა, რომლებიც ადრე ჩემთან თამაშობდნენ: ნიკა გაგნიძე, გიორგი წიტაიშვილი და ვლადიმერ მამუჩაშვილი, ყველა მათგანთან მიმუშავია საკუთარ გუნდებში.

ასე რომ, შემადგენლობა ახალგაზრდავდება და ერთის მხრივ, ეს კარგია საქართველოსთვის. თუმცა, ბოლო დროს ორივე გუნდი ცუდად თამაშობს, არც უკრაინა ბრწყინავს მაინცდამაინც. ასე რომ, ვთქვათ, წინ ნამდვილი დაუნდობელი ბრძოლა გველოდება", - ამბობს ანდრეი დემჩენკო.

ნაკრებებისთვის მატჩს სატურნირო თვალსაზრისით გადამწყვეტი და პრინციპული მნიშვნელობა აქვს: ჩვენი გუნდი მესამე ადგილზე გასვლას მხოლოდ გამარჯვების შემთხვევაში შეძლებს, ყველა სხვა შედეგი კი ხელს მეტოქეს აძლევს. მესამე ადგილი ერთა ლიგის B დივიზიონში ადგილის პირდაპირ შენარჩუნებას ნიშნავს, მეოთხე პოზიციაზე გასვლა კი C ლიგის მეორეადგილოსანთან პლეიოფის გარანტიაა. ამავე დროს, თუ საქართველოს ნაკრები პლეიოფში თამაშს თავს აარიდებს, ევროპის 2028 წლის ჩემპიონატის საკვალიფიკაციო ეტაპზე 5-გუნდიან ჯგუფში მოხვდება, სხვა შემთხვევაში კი 4-გუნდიანში და გამოსვლას შემოდგომაზე დაიწყებს.

უეფას ერთა ლიგის 2026/2027 წლების სეზონის B დივიზიონის ჯგუფური ეტაპის დასკვნითი ტურის მატჩში საქართველო უკრაინას 17 ნოემბერს შეხვდება. მატჩი თბილისის დროით 23:45 საათზე დაიწყება.

სხვა სტატიები