უმარ ნურმაგომედოვი: "დვალიშვილმა უბრალოდ ჭიდაობა იცის, საფრთხეს საერთოდ ვერ ვგრძნობ..."

UFC-ს 28 წლის რუსმა მებრძოლმა - უმარ ნურმაგომედოვმა მერაბ დვალიშვილის შესახებ ისაუბრა და ქართველ ვარსკვლავს დაემუქრა.

ამერიკული კიკბოქსინგის აკადემიის ცნობილმა მწვრთნელმა - ხავიერ მენდესმა ცოტა ხნის წინ განაცხადა, რომ ის მხოლოდ ერთ მებრძოლს ხედავს, რომელიც რთულ გამოცდას შეუქმნის ნურმაგომედოვს და ეს მებრძოლი სწორედ მერაბ დვალიშვილია.

მედიასთან საუბრისას, ხავიერ მენდესმა მერაბ დვალიშვილს "ახალგაზრდა არწივი" უწოდა და აღნიშნა, რომ ის UFC-ს დღევანდელ რეალობაში, ერთ-ერთი ყველაზე საშიში მეტოქეა.

ამ ყველაფრის შემდეგ კი თავად რუსი სპორტსმენი ამბობს, რომ იგი არ ეთანხმება მის პირად მწვრთნელს და მერაბ დვალიშვილი მისთვის საფრთხეს საერთოდ არ წარმოადგენს.

შეგახსენებთ, რომ უმარ ნურმაგომედოვი ცნობილი სპორტსმენის, ხაბიბ ნურმაგომედოვის ბიძაშვილი და UFC-ს მოჩხუბარია. მას UFC-ში 4 ბრძოლა აქვს ჩატარებული, საიდანაც ოთხივე გამარჯვება მოიპოვა.