"UFC-ს ჰოკიტთან რემატჩის ჩანიშნვა სურს" - განის მწვრთნელი
UFC-ს მძიმე წონის ჩემპიონის სირილ განის მწვრთნელი ფერნანდ ლოპესი სამომავლო გეგმებსა და ორგანიზაციის ინტერესებზე საუბრობს. მისი თქმით, UFC-ს სურს, რომ ფრანგ მებრძოლს ჯოშ ჰოკიტთან განმეორებითი ბრძოლა ჩაუნიშნოს, თუმცა ამ ეტაპზე ორგანიზაციას ტომ ასპინალისთვის მიცემული პირობა აფერხებს. ლოპესის განმარტებით, ჰოკიტის ამერიკული წარმომავლობა და მედიაში მისი პოპულარობა რემატჩს ფინანსურად ბევრად უფრო მომგებიანს ხდის.
მათ სურთ ჰოკიტთან რემატჩის ჩანიშვნა, მაგრამ ერთი პრობლემა აქვთ, რადგან ტომს მტკიცე პირობა მისცეს. ასპინალთან ბრძოლა კარგი იქნებოდა, თუმცა ვფიქრობ, სწორედ ჰოკიტია ის ადამიანი, რომელიც ცოტა მეტი ფულის გამომუშავებაში დაგვეხმარება. ვფიქრობ, იმის გამო, რომ ის ამერიკელია და მედიის ყურადღების მიპყრობის კუთხით ძალიან კარგად იმუშავა. ორგანიზაციას ამ ბრძოლის გამართვა ნამდვილად სურს. ახლა ისინი უბრალოდ ელოდებიან, როდის მისცემს ვინმე საბაბს, რომ თქვან: 'ო, მოიცადე, შენ ისევ ვერ ჩხუბობ? კარგი. ო, პერეირა, ტრავმა გაქვს? კარგი.' ისინი ნებისმიერ შესაძლებლობას გამოიყენებენ, რაც კი გამოჩნდება. - ამბობს სირილ განის მწვრთნელი
🚨 Ciryl Gane's coach, Fernand Lopez, says the UFC is interested in booking the rematch with Josh Hokit 👀
— Championship Rounds (@ChampRDS) November 19, 2026
"They want to run it back with Hokit, but they've got a problem on principle because they made Tom a firm promise.
Tom would be cool. Even though I do think Hokit is the… pic.twitter.com/DR1VLG2pIP
შეგახსენებთ, რომ სირილ განმა ქამარი სწორედ ჯოშ ჰოკიტის წინააღმდეგ დაიცვა. ნიუ-იორკში ჩატარებული ბრძოლა ფრანგის უპირატესობით წარიმართა და მოსალოდნელი შედეგიც დადგა. ჩხუბის შემდეგ, გაჩნდა მოსაზრებები, რომ ჰოკიტს პერეირა დაუპირისპირდებოდა, მაგრამ ჯერ დადასტურებული არაფერია.