Belive

IJF-მა მსაჯების შეცდომა აღიარა | მაიდოვს მსოფლიო ჩემპიონატის ბრინჯაოს მედალი გადაეცემა

16 საათის წინ სხვა
1 წთ

2026 წელს ბაქოში გამართულ ძიუდოს მსოფლიოს ჩემპიონატზე განვითარებულმა მოვლენებმა მოულოდნელი შემობრუნება მიიღო - სერბეთის ძიუდოს ფედერაციის ინფორმაციით, ძიუდოს საერთაშორისო ფედერაციის (IJF) აღმასრულებელმა კომიტეტმა მიიღო გადაწყვეტილება, რომ 90 კგ წონით კატეგორიაში სერბ ნემანია მაიდოვს ბრინჯაოს მედალი გადაეცეს.

მაიდოვმა გასულ მსოფლიოზე მე-5 ადგილი დაიკავა - ბრინჯაოს ფინალში მურად ფატიევთან დამარცხდა დამატებით დროში. თუმცა ძირითადი დროის დასრულებამდე წუთითა და 15 წამით ადრე სერბს აშკარად გდება არ ჩაუთვალეს.

მართალია IJF-ის აღმასრულებელმა კომიტეტმა აღიარა მსაჯების შეცდომა და მაიდოვს ბრინჯაოს მედალი გადასცა, თუმცა უცნობია რა ბედი ელის ფატიევის მედალს - ჩამოართმევენ თუ დაუტოვებენ, რადგან სადავო გდება ძირითად დროში შეასრულდა, შეფასების შემთხვევაში კი აზერბაიჯანელს წუთზე მეტი ექნებოდა სიატუაციის გამოსასწორებლად.

ასე და ამგვარად, 30 წლის სერბ ძიუდოისტს მსოფლიო ჩემპიონატებზე 4 მედალი დაუგროვდა. მაიდოვმა 2017 წელს მსოფლიო ჩემპიონატი მოიგო, 2019 წელს ბრინჯაოს მედალი მოიპოვა, 2024 და 2026 წლებში კი მსოფლიო ჩემპიონატებზე ბრინჯაოს მედლებს დასჯერდა.

სხვა სტატიები