UEFA ლივერპულის გულშემატკივრებს თანხას დაუბრუნებს

2022 წლის ჩემპიონთა ლიგის ფინალის წინ, სტადიონთან მომხდარი ინციდენტისა და გაუგებრობის გამო, UEFA "ლივერპულის" გულშემატკივრებს ბილეთის თანხას დაუბრუნებს.

შეგახსენებთ, რომ 2022 წლის ჩემპიონთა ლიგის ფინალი პარიზში, კერძოდ კი "სტად დე ფრანსზე" გაიმართა. მატჩის წინ კი სტადიონის შესასვლელთან არეულობა და დაძაბულობა იყო, კერძოდ კი "ლივერპულის" ათასობით გულშემატკივარი სტადიონზე ვერ შევიდა, იმის გამო, რომ მოედანზე არაერთი ფრანგი და სხვა გულშემატკივრები შეეპარათ.

სწორედ ამის გამო, UEFA-ს გადაწყვეტილებით "ლივერპულის" გულშემატკივრებს 2022 წლის ჩემპიონთა ლიგის ფინალისთვის შეძენილი ბილეთის თანხა უკან დაუბრუნდებათ.