ოფიციალურად | რუსი და ბელარუსი ძიუდოისტები ოლიმპიადაზე ნეიტრალური დროშის ქვეშ იასპარეზებენ

საერთაშორისო ოლიმპიური კომიტეტის (IOC) აღმასრულებელმა საბჭომ (EB) გადაწყვიტა, რომ რუსი და ბელარუსი ძიუდოისტები 2024 წლის პარიზის ოლიმპიადაზე ნეიტრალური დროშითა და გამარჯვების შემთხვევაში, ნეიტრალური ჰიმნის ქვეშ იასპარეზებენ.

ინდივიდუალური ნეიტრალური სპორტსმენები არიან სპორტსმენები რუსული ან ბელარუსული პასპორტით.

ეს ნიშნავს, რომ ამჟამინდელ ნეიტრალურ ინდივიდუალურ სპორტსმენებს შეუძლიათ მონაწილეობა მიიღონ თამაშებში, რომლებიც კვალიფიკაციას მიიღებენ. ამჟამად რამდენიმე სპორტსმენი იკავებს საკვალიფიკაციო ადგილებს, როგორიცაა მძიმე წონაში მსოფლიოს ჩემპიონი - ინალ ტასოევი, მატვეი კანიკოვსკი და იმავე წონით კატეგორიებში ტამერლან ბაშაევი და არმან ადამიანი.

73 კგ წონით კატეგორიაში - მახმადბეკ მახმადბეკოვი, 90 კგ წონით კატეგორიაში - მიხაილ იგოლნიკოვი, მსუბუქ წონაში - რამაზან აბდულაევი და ტოკიოს ოლიმპიადის ბრინჯაოსმედალოსანი - მადინა ტაიმაზოვა. მიუხედავად მათთვის შეზღუდული ასპარეზობებისა, მათ შეძლეს საკმარისი ქულებისა და ოლიმპიური ლიცენზიის მოპოვება.

ოლიმპიურ თამაშებზე ყველა სხვა სპორტსმენის მსგავსად, ინდივიდუალურ ნეიტრალურ სპორტსმენებსაც მოუწევთ ოლიმპიური თამაშების მოქმედი წესებისა და რეგულაციების დაცვა, მათ შორის ანტიდოპინგის, რომლის სკანდალის ქვეშაც არაერთხელ აღმოჩენილან რუსი თუ ბელარუსი სპორტსმენები.

ყველა სხვა სპორტსმენის მსგავსად, მათაც მოუწევთ ხელი მოაწერონ განახლებული მონაწილეობის პირობებს, რომელიც მოქმედებს პარიზის 2024 წლისთვის.

2024 წლის პარიზის ოლიმპიადაზე მონაწილეობის პირობები

1. კვალიფიცირებული სპორტსმენები რუსული ან ბელარუსული პასპორტით შეყვანილნი იქნებიან და იასპარეზებენ როგორც ინდივიდუალური ნეიტრალური სპორტსმენები ("AIN").

2. რუსული ან ბელარუსული პასპორტის მქონე სპორტსმენების გუნდები არ განიხილება.

3. სპორტსმენები, რომლებიც აქტიურად უჭერენ მხარს ომს, არ დაიშვებიან შეჯიბრზე.

4. სპორტსმენები, რომლებსაც აქვთ კონტრაქტი რუსეთის ან ბელარუსის სამხედრო ან ეროვნული უსაფრთხოების სააგენტოებთან, შეჯიბრზე მონაწილეობის უფლება არ ექნებათ.

5. ნებისმიერი ინდივიდუალურ ნეიტრალური სპორტსმენი, ისევე როგორც ყველა სხვა მონაწილე, უნდა აკმაყოფილებდეს ყველა ანტიდოპინგ მოთხოვნას, რომელიც მათ მიმართ გამოიყენება 2024 წლის პარიზის ოლიმპიურ თამაშებამდე და მის დროს.

6. ომზე პასუხისმგებელი პირების, რუსეთისა და ბელარუსის სახელმწიფოებისა და მთავრობების წინააღმდეგ სანქციები რჩება ძალაში 2024 წლის პარიზის ოლიმპიური თამაშებისთვის. ეს, კერძოდ, ნიშნავს, რომ:

   A) 2024 წლის პარიზის ოლიმპიურ თამაშებზე არ იქნება გამოსახული რუსეთის ან ბელარუსის დროშა, ჰიმნი, ფერები ან რაიმე სხვა იდენტიფიკაცია, არცერთ ოფიციალურ ადგილას ან რაიმე ოფიციალურ ფუნქციაზე.

   B) 2024 წლის პარიზის ოლიმპიურ თამაშებზე არც ერთი რუსეთის ან ბელარუსის მთავრობის ან სახელმწიფო მოხელე არ იქნება მიწვეული ან აკრედიტებული.

   
   

2024 წლის ოლიმპიური თამაშები ჩატარდება 2 აგვისტოდან 18 აგვისტოს ჩათვლით.