სებასტიან ფეტელი სეზონის ბოლოს კარიერას დაასრულებს

მსოფლიოს ოთხგზის ჩემპიონმა - სებასტიან ფეტელმა დაადასტურა, რომ სეზონის ბოლოს ფორმულა 1-ს დატოვებს და 15-წლიან კარიერას დაასრულებს. გერმანელმა პილოტმა, სახელი 2010-დან 2013 წლამდე "რედ ბულში" დომინირების პერიოდით გაითქვა, რა დროსაც მან მსოფლიო ჩემპიონის ტიტული მოიპოვა. ფეტელმა ბოლო ორი წელი "ასტონ მარტინის" რიგებში გაატარა და ახლა კარიერის დასრულების გადაწყვეტილება მიიღო. ფეტელი სპორტის ისტორიაში ერთ-ერთ ყველაზე წარმატებულ პილოტად დარჩება.

„კარიერის დასრულების გადაწყვეტილება ჩემთვის რთული იყო და ამაზე ძალიან ბევრი ვიფიქრე. წლის ბოლოს მსურს, დრო გამოვყო იმაზე დასაფიქრებლად, თუ რაზე გავამახვილებ ყურადღებას მომავალში. ჩემთვის ნათელია რომ, როგორც მამამ, მინდა მეტი დრო გავატარო ოჯახთან ერთად, მაგრამ დღეს არ გემშვიდობებით. მინდა მადლობა გადავუხადო ყველას, განსაკუთრებით გულშემატკივრებისთვის, რომელთა მხარდაჭერის გარეშეც ფორმულა 1 ვერ იარსებებდა". - განაცხადა 35 წლის მბრბოლელმა.

BREAKING: Sebastian Vettel has announced he will retire from F1 at the end of the 2022 season 4 world titles 53 race wins 122 podiums 1 phenomenal career#ThankYouSeb pic.twitter.com/K8BVXI6IAx — Formula 1 (@F1) July 28, 2022