"როცა იანმა ჩემი დაჩაგვრა სცადა, მისთვის ეს კარგად არ დასრულდა" - მერაბ დვალიშვილი

მერაბ დვალიშვილისა და შონ ო'მალის ბრძოლა UFC-მ ოფიციალურად ჩანიშნა. როგორც მოსალოდნელი იყო ჩხუბი "სფეროში", ლას ვეგასში შედგება. ბრძოლის თარიღი სწორედ ის არის, რაც მერაბს სურდა - 14 სექტემბერი.

მომავალ მეტოქესთან დაკავშირებით დვალიშვილმა The Schmo-სთან ისაუბრა.

ამ ბრძოლას მერაბ დვალიშვილი ძალიან დიდი ხანი ელოდა. საბოლოოდ, 10-ბრძოლიანი დაუმარცხებელი სერიის შემდეგ, დანა უაითმა საჩემპიონო ბრძოლა მისცა. იმ შემთხვევაში თუ მერაბი ო'მალის დაამარცხებს, UFC-ში ორი ქართველი ჩემპიონი გვეყოლება.