რომან დოლიძე UFC-ის რეიტინგში დაწინაურდა

ცოტა ხნის წინ, განახლდა UFC-ის მებრძოლთა რეიტინგი, სადაც რომან დოლიძე, საშუალო წონით კატეგორიაში, მე-8 პოზიციას იკავებს.

UFC Orlando-ზე ქართველმა მებრძოლმა მეორე რაუნდში, ტექნიკური ნოკაუტით, ჯეკ ჰერმანსონი დაამარცხა. ეს რომანის ზედიზედ მესამე ვადაზე ადრე გამარჯვებაა. საინტერესოა, რომ ამ ბრძოლაში რომანი აუთსაიდერად ითვლებოდა. აღსანიშნავია ისიც, რომ ჰერმანსონი, ბოლო 5 წლის განმავლობაში, ვადაზე ადრე მეორედ დამარცხდა.

ნორვეგიელი მებრძოლი საშუალო წონაში მე-8 ადგილზე იმყოფებოდა და ჯეკის დამარცხებით რომანმა მისი ადგილი დაიკავა.

შეგახსნებეთ, რომ 2022 წლის დასრულებმადე ბრძოლას კიდევ ერთი ქართველი ჩაატარებს. 10 დეკემბერს ოქტაგონზე ილია თოფურია გამოვა, რომლის მეტოქე ბრაის მიტჩელი იქნება.