არიელ ელვანის თქმით, ილია და მერაბი ერთ საღამოს არ იბრძოლებენ

როგორც იცით, UFC-ის ფრანგულ-კანადურ გადაცემაში ინფორმაციამ გაჟონა, რომ ილია თოფურიას ჩემპიონის ტიტულის დაცვა მაქს ჰოლოუეის წინააღმდეგ, 15 სექტემბერს მოუწევს. შესაბამისად, ეს მოხდება Las Vegas Sphere-ის ივენთზე, სადაც შონ ო'მალი და მერაბ დვალიშვილიც იბრძოლებენ.

ამისთვის გულშემატკივარი თითქოს მზად იყო, თუმცა, ოფიციალურად არაფერი ყოფილა დადასტურებული. ახლა კი არიელ ელვანი ამბობს, რომ ილია და მერაბი ერთ საღამოს არ იბრძოლებენ.

ცნობილმა MMA-ს ჟურნალისტმა მომავალი 5 საღამოს მთავარი ბრძოლები დაასახელა.

UFC 306 - ო'მალი Vs დვალიშვილი (ლას ვეგასი, სფერო, 14 სექტემბერი)

UFC 307 - თოფურია Vs ჰოლოუეი (5 ოქტომბერი, სოლტ ლეიქ სიტი, იუტა)

UFC 308 - მახაჩევი Vs ცარუკიანი 2 - (26 ოქტომბერი, აბუ დაბი)

UFC 309 - ჯონსი Vs მიოჩიჩი - (9 ნოემბერი, მედისონ სქვეარ გარდენი, ნიუ იორკი)

UFC 310 - მაკგრეგორი Vs ჩენდლერი (ლას ვეგასი, ნევადა, თარიღი ცნობილი არ არის)