"მთელი სულით მიყვარხარ, ძმაო, ღმერთი იყოს შენთან" - ილია თოფურია
3 საათის წინ
სხვა
1 წთ
ალექსანდრე თოფურია UFC-ში მომდევნო ბრძოლას გამართავს, სადაც მექსიკელ მებრძოლ სანტიაგო ლუნას დაუპირისპირდება, მათ დაპირისპირებას 21 ნოემბერს 20:00 საათიდან უნდა ველოდოთ.
მოახლოებულ ბრძოლას ალექსანდრეს ძმა ილია თოფურია ემოციური წერილით გამოეხმაურა:
ძმაო, მინდა მოგილოცო მთელი ის შრომა, მსხვერპლი და თავდადება, რამაც აქამდე მოგიყვანა.
ამქვეყნად არავინ იცის ჩვენი განვლილი გზა ისე კარგად, როგორც ჩვენ. არავინ უწყის, რა ფასი დაგვიჯდა აქამდე მოსვლა, რა სირთულეები გადავლახეთ, რამდენჯერ მოგვიწია წამოდგომა და რა მოვიტოვეთ უკან ჩვენი ოცნებების ასასრულებლად.
ყველაფერი ორი ძმით დაიწყო, რომლებიც ერთ საზიარო ველოსიპედზე ოცნებობდნენ. დღეს კი ერთ-ერთი იმ ბავშვთაგანი მილიონობით ადამიანისთვის შთაგონების წყაროდ იქცა.
მაგრამ ყველაზე მეტად ის კი არ მეამაყება, რასაც მიაღწიე, არამედ ის, თუ როგორი ადამიანი გახდი. რადგან ვიცი, ვინ ხარ, საიდან მოდიხარ და რამხელა გული დგას თითოეული ბრძოლის უკან. ხვალ ამ ოქტაგონზე მარტო არ ახვალ. შენთან ერთად ავა ჩვენი ბავშვობის ოცნებები, ჩვენი მსხვერპლი, ჩვენი ისტორია და ყველა ის ადამიანი, ვისაც ჩვენი რწმენა არასდროს დაუკარგავს. ხვალ გამარჯვება შენ გეკუთვნის, რადგან ის სისხლით, ოფლითა და ცეცხლით დაიმსახურე. რაც არ უნდა მოხდეს, ჩემთვის ყოველთვის ჩემპიონი იქნები - ჩემი უფროსი ძმა და ჩემი ცხოვრების ერთ-ერთი უდიდესი სიამაყე. მთელი სულით მიყვარხარ, ძმაო. ღმერთი იყოს შენთან ხვალაც და ყოველთვის. - ილია თოფურია